Sheik Isah Alolo na daya daga cikin hazikan daraktocin kannywood a masana’antar kannywood baya ga rawar da yake ba da umarni shi ma furodusa ne. An haifi Sheik Isah Alolo kuma ya girma a jihar Kano a arewacin Najeriya.
Ya yi hazaka a tsakanin matasan daraktocin kannywood amma ya shirya fina-finan Hausa da dama kamar su Gargada, Harira da dai sauransu.
An daura auren Sheik Isah Alolo da kyakkyawar matarsa a ranar Juma’a 26 ga watan Fabrairu 2021 wanda ya gudana a masallacin juma’a na jihar Kaduna.
Bayan daurin auren Fatiha a jihar Kaduna ya dawo jihar Kano da yin liyafar cin abincin dare jiya 27 ga watan Fabrairu 2021, ya samu maziyarta da dama daga abokansa da masoyansa da abokan aikinsa mata da maza.
